भक्त निवास वास्तुशांती बुधवार, गुरुवारी

भक्त निवास वास्तुशांती बुधवार, गुरुवारी
जयसिंगपूर : येथील श्री स्वामी समर्थ अन्नछत्र व भक्त निवास वास्तूचा वास्तुशांती सोहळा १४ आणि १५ जूनला विविध धार्मिक कार्यक्रमांनी होणार आहे. याचा शहर आणि परिसरातील सेवेकऱ्यांनी लाभ घ्यावा, असे आवाहन करण्यात आले आहे. लक्ष्मीबाई पाटील गर्ल हायस्कूलशेजारी ठाणेकर मळ्यामध्ये असलेल्या श्री स्वामी समर्थ आध्यात्मिक सेवा विकास केंद्रातर्फे श्री स्वामी समर्थ अन्नछत्र व भक्त निवास वास्तू साकारली आहे. वास्तुशांती सोहळ्यानिमित्त १५ जूनपर्यंत विविध धार्मिक कार्यक्रमांचे आयोजन केले आहे. यादरम्यान सकाळी सहा ते रात्री आठ वाजेपर्यंत दुर्गा सप्तशती पाठ वाचन, १३ रोजी ग्रामदेवता आवाहन, १४ रोजी सकाळी सात वाजता वास्तू प्रवेश चंडीयाग आणि सकाळी नऊ वाजता वास्तुशांती, १५ रोजी सकाळी सात वाजता सिद्धमंगल पूजा, दुपारी बारा वाजता महाप्रसाद असून विविध धार्मिक कार्यक्रम होणार आहेत.