कबनूरचा पाणी पुरवठा सुरु

कबनूरचा पाणीपुरवठा सुरू
कबनूर ः येथे ग्रामपंचायतीतर्फे पाणीपुरवठा करणाऱ्या जलस्वराज्य प्रकल्पाच्या थकित वीज बिलाचा हप्ता ग्रामपंचायतीने आज भरला. त्यामुळे महावितरणने खंडित केलेला वीज पुरवठा सुरू केला. त्यामुळे पाणीपुरवठा सुरू झाला आहे. सुमारे साठ हजार लोकसंख्या असलेल्या कबनूरला जलस्वराज्य प्रकल्पाच्या माध्यमातून पाणीपुरवठा केला जातो. मात्र ग्रामपंचायतीने जलस्वराज्य प्रकल्पाचे थकीत वीज बिल न भरल्याने १२ मे रोजी महावितरण कंपनीने वीज पुरवठा खंडित केला होता. परिणामी पाणीपुरवठा बंद झाला. नागरिकांचे पाण्यासाठी हाल झाले. दरम्यान आज ग्रामपंचायतीने थकित वीज बिलातील सोळा लाख चोवीस हजार रुपयांची रक्कम भरली. त्यामुळे वीज वितरण कंपनीने वीज पुरवठा सुरू केला. त्यामुळे पाणीपुरवठा सुरू झाला आहे.