कडगाव : महाराजस्व अभियान

कडगावात उद्यापासून
महाराजस्व अभियान
कडगाव ता. ३ : शासनाच्या महसूल व वन विभाग समाधान योजनेंतर्गत तहसील कार्यालय भुदरगड यांच्या वतीने महाराजस्व अभियान आयोजित केले आहे. कडगाव येथे गुरुवार (ता. ५) व शुक्रवार (ता. ६) होणार आहे. रेशनकार्ड नाव वाढ व कमी करणे, विभक्त, खराब, गहाळ रेशन कार्ड देणे, ७/१२ वाटप, नवीन मतदार नोंदणी, मतदान ओळखपत्र देणे, सामाजिक अर्थसहाय्य योजना नवीन लाभार्थी प्रमाणपत्र देणे, लक्ष्मी मुक्ती योजना, आधार कार्ड दुरुस्ती, विविध दाखले वाटप, आरोग्य तपासणी, आरोग्य कार्ड नोंदणी व वाटप, लसीकरण, एस. टी. महामंडळाच्या विविध योजनांची माहिती व ज्येष्ठ नागरिक ओळखपत्र वाटप, घरकुल मंजुरी पत्र, कृषी विभाग अवजारे वाटप व सॉईल कार्ड वाटप, महावितरणकडून प्रलंबित अर्ज निपटारा, नवीन मीटर मंजुरी पत्र वाटप व अर्ज स्वीकृती तसेच भूमी अभिलेख, सहकार आदी कामे एकाच छताखाली होणार आहेत. नागरिकांनी याचा लाभ घ्यावा, असे आवाहन उपविभागीय अधिकारी वसुंधरा बारवे, तहसीलदार अश्विनी वरुटे व गटविकास अधिकारी सरिता पवार यांनी केले.