कागल : श्री हनुमान मंदिराचा वास्तुशांती सोहळा

कागल : श्री हनुमान मंदिराचा वास्तुशांती सोहळा

04928
कागलला हनुमान मंदिराचा वास्तुशांती सोहळा
कागल, ता. २५ : येथील बाजारपेठेत श्री हनुमान मंदिराचा जीर्णोद्धार झाला. श्री हनुमान मूर्ती प्राणप्रतिष्ठापना आणि कलशारोहण समारंभ लोकोत्सव सोहळा म्हणून साजरा झाला. या पार्श्वभूमीवर शनिवारी आमदार हसन मुश्रीफ यांच्या उपस्थितीत वास्तुशांती सोहळा झाला.
शुक्रवारी रवणुकीने मंदिरात श्री हनुमान, शिवलिंगासह देव देवतांच्या मूर्ती आणल्या. शनिवारी मंदिरातील देवदेवतांच्या मूर्तीची विधीवत पूजा झाली. सकाळी आठपासून मंदिरात शांतीसूक्त पठण, स्वस्ति: पुण्याहवाचन, नवगृह देवता स्थापन व होम व उदकशांत आदी विधी झाले. आमदार हसन मुश्रीफ यांच्या हस्ते मुख्य देवतापीठ पूजन झाले. यावेळी जिल्हा बँकेचे संचालक भैया माने, माजी नगरसेवक चंद्रकांत गवळी, माजी नगराध्यक्ष अशोक जकाते, नवीद मुश्रीफ, प्रवीण काळबर, संजय गोनुगडे, पी. बी. घाटगे यांची उपस्थिती होती.
आमदार हसन मुश्रीफ म्हणाले, ‘शासनाच्या निधीतून भव्य श्रीराम मंदिर उभारण्याचे भाग्य लाभले. श्री हनुमान मंदिर उभारण्याची संधीही मिळाली. परमेश्वराने मतदारसंघातील सर्व लोकांना सुखी ठेवावे. प्रभू श्रीरामांवर रावणाच्या रूपाने अनेक संकटे आली. त्यामुळे प्रभू श्रीरामचंद्रानाही १४ वर्षे वनवास भोगावा लागला. श्रीराम आणि हनुमान भक्तांनी रावणाचा निःपात केला. अशा खलनायकांचा नि:पात होऊ दे, असे साकडे आमदार मुश्रीफ यांनी घातले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com