कागल : (सुधारित) घाटगे हायस्कूल गुणगौरव समारंभ

8449
कागल : येथील श्री यशवंतराव घाटगे हायस्कूलमध्ये दहावीच्या परीक्षेत प्रथम आलेल्या गौरव गाडेकर याचा सत्कार करताना श्रीमंत मृगेंद्रसिंहराजे घाटगे, श्रीमंत मृगनयनाराजे घाटगे, श्रीमंत अखिलेशराजे घाटगे, पी. बी. घाटगे आदी.
.......
आयुष्यात अडचणींना
निर्भयपणे सामोरे जा

मृगेंद्रसिंहराजे घाटगे ः घाटगे हायस्कूल गुणगौरव समारंभ

सकाळ वृत्तसेवा
कागल, ता. २३ : ‘आयुष्यात अनेक अडचणी, समस्या येतील, त्याला निर्भयपणे सामोरे जायचा निश्चय करा. ध्येय ठरवूनच सामोरे जा. आयुष्यात कधीही हार मानू नका. जीवनात सतत प्रयत्नशील राहणे गरजेचे आहे,’ असे प्रतिपादन श्री शिवराय शिक्षण प्रसारक मंडळाचे अध्यक्ष मृगेंद्रसिंहराजे घाटगे यांनी केले.
येथील श्री यशवंतराव घाटगे हायस्कूल व ज्युनिअर कॉलेजमध्ये दहावीच्या परीक्षेत विशेष गुणवत्तेसह व प्रथम श्रेणीत उत्तीर्ण झालेल्या विद्यार्थ्यांच्या सत्कारप्रसंगी ते बोलत होते. यावेळी संस्थेच्या उपाध्यक्षा श्रीमंत मृगनयनाराजे घाटगे, सचिव श्रीमंत अखिलेशराजे घाटगे प्रमुख उपस्थित होते.
यावेळी यशस्वी विद्यार्थ्यांना मानचिन्ह व विविध मान्यवरांनी जाहीर केलेली बक्षिसे देऊन गौरविण्यात आले. यावेळी गुणानुक्रमे आलेल्या गौरव गाडेकर, आयुष कांबळे, चैत्राली गावडे यांच्यासह आदर्श विद्यार्थी म्हणून आयुष कांबळे, आदर्श विद्यार्थिनी म्हणून सारिका रानगे व सर्वगुणसंपन्न विद्यार्थी म्हणून सक्षम जोशी यांना गौरविण्यात आले.
यावेळी सहायक शिक्षक अशोक घाटगे तसेच गौरव गाडेकर, आयुष कांबळे, सारिका रानगे, अहनबी पटेल यांनी मनोगत व्यक्त केले. मुख्याध्यापक एस. एस. पाटील यांनी स्वागत केले. डी. आर. सातपुते यांनी सूत्रसंचालन केले. कांचन भालबर यांनी आभार मानले. कार्यक्रमास प्रभाकर हुच्चे, एस. बी. गुरव, एस. डी. पाटील, सुनील तेली, रईस काझी, संजय जोशी, एस. एस. संकपाळ आदींसह पालक, विद्यार्थी उपस्थित होते.