कोल्हापूर.रुग्ण व रुग्णांच्या नातेवाईकांसोबत साजरी केली दिवाळी.

9055
कोल्हापूर : इक्विटास डेव्हलपमेंट इनिशिएटीव्हज् ट्रस्टच्या वतीने सीपीआरमध्ये रुग्णांच्या नातेवाइकांना भेट वस्तू देण्यात आली.
.............
इक्विटास डेव्हलपमेंटची
सीपीआरमध्ये दिवाळी

कोल्हापूर, ता. ३१ : इक्विटास डेव्हलपमेंट इनिशिएटीव्हज् ट्रस्टच्या पुढाकाराने रोटरी क्लब ऑफ कोल्हापूर रॉयल्स यांच्या सहयोगाने तसेच साहित्यसंपदा कोल्हापूर विभाग यांच्या वतीने सीपीआर रुग्णालयात रुग्ण व त्यांच्या नातेवाइकांनी सोबत दिवाळी साजरी करण्यात आली.
यावेळी रुग्णांच्या नातेवाइकांना अभ्यंग स्नानासाठी तेल, साबण, उटणे व दिवाळी फराळ वाटप करण्यात आला. सर्व रुग्ण व रुग्णांच्या नातेवाइकांसाठी दिवाळी पहाट म्हणून विशेष भक्तिगीते व भावगीतांचा कार्यक्रम आयोजित केला होता. उपक्रमात कविता भावगीत व भक्ती गीताने रुग्णालयाचा परिसर काहीसा आनंदमय झाला. या अनोख्या उपक्रमाने रुग्णालयातील रुग्णांचे नातेवाईक भारावून गेले. या कार्यक्रमाचे नियोजन इक्विटासचे संग्राम पाटील, सुशांत चंदनशिवे, सीपीआर रुग्णालयाचे रोहित लोखंडे यांनी केले होते.
कार्यक्रमास रोटरी क्लब ऑफ कोल्हापूर रॉयल्सचे अरुणा डोईफोडे, डॉ.विद्या साळुंखे, सविता पाटील तसेच सीपीआर रुग्णालयाचे अधिष्ठाता डॉ. शिशिर मिरगुंडे, समाजसेवा विभागाचे शशिकांत राऊळ, साहित्यसंपदा कोल्हापूर विभागाच्या स्मिता गायकवाड, निशा शिंदे, वर्षा बामणे, ज्योती मोटे, अस्मिता कुचकोरवी, अपूर्वा कीर्तने, ज्योती आडारकर, लीना पिंगुळकर, रेवता राणे, दीपक गुरव, अरुण उलपे आदी उपस्थित होते.