केडीसी बातमी | Sakal
sakal

बोलून बातमी शोधा

केडीसी बातमी
केडीसी बातमी

केडीसी बातमी

sakal_logo
By

फोटो- 62347
...
सहकारामुळेच सर्वसामान्यांची समाजात पत

आमदार हसन मुश्रीफ ः सहकार सप्ताहानिमित्त ‘केडीसीसी’मध्ये ध्वजवंदन

कोल्हापूर, ता. १४ ः सहकारामुळे सर्वसामान्य गोरगरीब माणसाचीही समाजात पत निर्माण झाली असून, सहकारामुळेच गोरगरिबांची उन्नती झाली आहे, असे प्रतिपादन जिल्हा बँकेचे अध्यक्ष आमदार हसन मुश्रीफ यांनी केले.
६९ व्या अखिल भारतीय सहकार सप्ताहानिमित्त कोल्हापूर जिल्हा मध्यवर्ती सहकारी बँकेच्या केंद्र कार्यालयात मुश्रीफ यांच्या हस्ते ध्वजवंदन झाले. त्यावेळी ते बोलत होते.
मुश्रीफ म्हणाले, ‘सहकारामधूनच तयार झालेली साखर कारखानदारी, बँकिंग व इतर अनेक संस्था यामुळेच राज्यासह देशाची आर्थिक घडी मजबूत आहे. त्यामुळे सामान्यातील सामान्य माणसाचे जीवनमानही उंचावले आहे. विशेषत: पश्चिम महाराष्ट्राच्या जडणघडणीमध्ये सहकाराचे योगदान मोठे आहे. सहकार चळवळ निकोप, पारदर्शक हवी. सहकाराचा स्वाहाकार होता कामा नये. यासाठी पदाधिकाऱ्यांबरोबरच अधिकारी व कर्मचाऱ्यांनीही जबाबदारी, प्रामाणिकपणा आणि नैतिकतेने काम केले पाहिजे.’
यावेळी संचालक आमदार डॉ. राजेंद्र पाटील-यड्रावकर, माजी खासदार श्रीमती डॉ. निवेदिता माने, माजी आमदार अमल महाडिक, रणजितसिंह पाटील, सुधीर देसाई, विजयसिंह माने, श्रुतिका काटकर आदी उपस्थित होते.
मुख्य कार्यकारी अधिकारी डॉ. ए. बी. माने यांनी प्रास्ताविक केले. सहकारगीत प्रमोद व्हरांबळे यांनी गायले. प्रशासकीय व्यवस्थापक गोरख शिंदे यांनी आभार मानले.