बी. टी. कॉलेज रस्ता

17834

बीटी कॉलेज-बागल चौक
रस्ता अडीच वर्षांत खराब

ठेकेदाराला नोटीस काढून दुरुस्त केला जाणार

कोल्हापूर, ता. २७ ः बी. टी. कॉलेज ते बागल चौकापर्यंतचा रस्ता अडीच वर्षांत खराब झाला आहे. गॅरंटी मुदत असल्याने संबंधित ठेकेदाराकडून तो दुरुस्त करून घेण्यासाठी नोटीस काढण्याचे आदेश राजारामपुरी विभागीय कार्यालयाच्या उपशहर अभियंत्यांनी दिले.
परीख पूल नूतनीकरण समितीचे फिरोज शेख यांनी शहर अभियंता नेत्रदीप सरनोबत यांना निवेदन देऊन ही बाब निदर्शनास आणून दिली. अडीच वर्षांत त्यावर खड्डे पडले असून, हा रस्ता प्रचंड वर्दळीचा आहे. बऱ्याच कालावधीनंतर हा रस्ता करण्यात आला होता. त्यामुळे शेख यांनी ही माहिती देताच उपशहर अभियंता बाबूराव दबडे यांनी संबंधित ठेकेदाराला नोटीस काढून त्यांच्याकडून दुरुस्तीचे काम पूर्ण करून घेण्याचे आदेश दिले आहेत. तसेच या रस्त्याला जोडणारे गल्लीतील रस्तेही व्यवस्थित जोडून घेतले जाणार आहेत.