बांधकाम कामगार नोंदणी ऑनलाईन

बांधकाम कामगार नोंदणी ऑनलाईन
इचलकरंजी : महाराष्ट्र इमारत व इतर बांधकाम कामगारांच्या नोंदी, नूतनीकरण कामगार कल्याणकारी मंडळांतर्गत सहाय्यक कामगार आयुक्त कार्यालयामध्ये ऑनलाइन पद्धतीने करण्यात येते. यासाठी मंडळाकडून किंवा शासनाकडून कोणत्याही मध्यस्थ, संघटना यांची नेमणूक केलेली नाही. त्यामुळे कामगारांनी कोणत्याही खासगी व्यक्तीकडे नोंदणी, नूतनीकरणासाठी न जाता कार्यालयाशी संपर्क साधावा, असे आवाहन सहायक कामगार आयुक्त अनिल गुरव यांनी केले. महाराष्ट्र इमारत व इतर बांधकाम कामगारांना बांधकाम कल्याणकारी मंडळाकडून ३० भांड्यांचा संच देण्यात येणार असल्याचे सांगून काही एजंट पैसे गोळा करीत असल्याच्या तक्रारी कार्यलयाकडे येत आहेत. अशी कोणतीही योजना महामंडळाकडून कार्यान्वित नाही. बांधकाम कामगारांना काही शंका असल्यास त्यांनी कार्यालयाच्या फोनवर अथवा प्रत्यक्ष कार्यालयाशी संपर्क साधावा, असे आयुक्त गुरव यांनी सांगितले.