नगररचना कॅम्प

‘नगररचना’च्या कॅम्पमध्ये
१०८ बांधकाम परवाने मंजूर

दोन दिवसांत नागरिकांचा चांगला प्रतिसाद

कोल्हापूर, ता. २७ : नगररचना विभागामार्फत घेण्यात आलेल्या विशेष कॅम्पमध्ये बुधवारी ५५ बांधकाम परवानगी, २१ भोगवटा प्रमाणपत्र, ९ विभाजन, १४ बांधकाम परवानगींना मुदतवाढ, १० प्रकरणांतील अनामत रक्कम परत करण्यात आल्या. दोन दिवसांत १०८ बांधकाम परवानगी, ३५ भोगवटा प्रमाणपत्र, १६ विभाजन, २५ बांधकाम परवानगींना मुदतवाढ व १४ अनामत रक्कम परत केल्या.
यामध्ये भोगवटा प्रमाणपत्र, बांधकाम परवानगी, जोता चेकिंग, अनामत रक्कम मागणी अर्ज, ले आऊट मंजुरी, एकत्रीकरण व विभाजनाबाबतची प्रकरणे मंजूर केली. दोन दिवसांच्या विशेष कॅम्पला नागरिक, आर्किटेक्चर यांच्याकडून चांगला प्रतिसाद मिळाला. दाखल झालेली प्रकरणे उपशहर रचनाकार रमेश मस्कर, हर्षजित घाटगे, कनिष्ठ अभियंत्यांनी तपासून मंजूर केली.