
शनिवार पेठ दहा लाखांचा निधी
19218
नामदेव शिंपी समाजाच्या
मंडपाला १० लाखांचा निधी
राजेश क्षीरसागर; दुसऱ्या टप्प्यातील निधीने उर्वरित काम सुरू
सकाळ वृत्तसेवा
कोल्हापूर, ता.३ : शनिवार पेठेतील नामदेव शिंपी समाजाच्या ज्ञानेश्वर भजनी मंडपाच्या सभागृह बांधकामाच्या दुसऱ्या टप्प्यातील १० लाखांच्या वाढीव निधीतील कामाचा आज प्रारंभ झाला.
पहिल्या टप्प्यात १० लाखांचा निधी यापूर्वी दिला आहे. राज्य नियोजन मंडळाचे कार्यकारी अध्यक्ष राजेश क्षीरसागर यांनी हा निधी दिली असून त्यांच्या हस्ते आज भूमिपूजन झाले.
यावेळी श्री. क्षीरसागर यांनी भावी पिढीला सुसंस्कृत आणि आदर्शवत बनविण्याचे कार्य समाज मंदिरातून होत आहे. सामाजिक सलोखा जपणारी ही समाजमंदिरे सामाजिक कार्याची प्रेरणास्थाने म्हणून नावारूपास येतील, असा विश्वास त्यांनी व्यक्त केला. मंडप सभागृहास एकूण २० लाखांचा निधी मंजूर केल्याबद्दल श्री नामदेव शिंपी समाजाच्या वतीने श्री. क्षीरसागर आणि याकामी पाठपुरावा केल्याबद्दल माजी नगरसेवक नंदकुमार मोरे यांचा नागरी सत्कार झाला. यावेळी माजी महापौर अॅड. महादेवराव आडगुळे, नामदेव शिंपी समाजाचे अध्यक्ष नंदकुमार मोरे, ऋतुराज क्षीरसागर, नीलेश हंकारे, नामदेव शिंपी समाजाचे अध्यक्ष दिनकर पाटील, विश्वस्थ सुरेश हावळ, ज्ञानोबा आंबी, सचिव चंद्रकांत काकडे, बाळासाहेब काकडे, अविनाश जठार आदी उपस्थित होते.
Web Title: Todays Latest Marathi News Kop22y54796 Txt Kopcity Today
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..