ललित गांधी

पुण्यात आज राष्ट्रीय
व्यापार महापरिषद
ललित गांधी; व्यापार धोरण, भविष्यातील संधीवर चर्चा
कोल्हापूर, ता. ६ ः महाराष्ट्र चेंबर ऑफ कॉमर्स, इंडस्ट्री अ‍ॅण्ड अँग्रिकल्चर व जीतो यांच्या संयुक्त विद्यमाने पुणे येथे उद्या (ता. ७) आयोजित ‘जीतो कनेक्ट २०२२’ आंतरराष्ट्रीय परिषद व ट्रेड फेअरमध्ये बिझनेक्स्ट या राष्ट्रीय व्यापार महापरिषदेचे आयोजन केल्याची माहिती महाराष्ट्र चेंबरचे अध्यक्ष ललित गांधी यांनी दिली.
परिषदेसाठी केंद्रीय माहिती व प्रसारणमंत्री अनुराग ठाकूर, नीती आयोगाचे सीईओ अमिताभ कांत व राष्ट्रीय पर्जन्य क्षेत्र प्राधिकरणचे सीईओ अशोक दलवाई उपस्थित राहणार आहेत. जीतो, महाराष्ट्र चेंबर ऑफ कॉमर्स, इंडस्ट्री अँड अँग्रिकल्चर यांच्या वतीने व दि पूना मर्चंट्स चेंबर आणि पुणे व्यापारी महासंघातर्फे परिषदेचे आयोजन केल्याची माहिती गांधी व दि पूना मर्चंट्स चेंबरचे अध्यक्ष राजेंद्र बाठिया, पुणे व्यापारी महासंघाचे अध्यक्ष फत्तेचंद रांका यांनी दिली. परिषदेसाठी नावनोंदणीची आवश्यकता असून ‘जीतो कनेक्ट २०२२’ च्या संकेतस्थळावर जाऊन नावनोंदणी करता येईल, असे महेंद्र पितळीया यांनी सांगितले.