शिवाजी विद्यापीठ सामंजस्य करार | Sakal
sakal

बोलून बातमी शोधा

शिवाजी विद्यापीठ सामंजस्य करार
शिवाजी विद्यापीठ सामंजस्य करार

शिवाजी विद्यापीठ सामंजस्य करार

sakal_logo
By

१९४६५


सामंजस्य करारामुळे संशोधन प्रकल्पांना चालना
डॉ. धृती बॅनर्जी; झुऑलॉजिकल सर्व्हे ऑफ इंडियासमवेत शिवाजी विद्यापीठाचा सामंजस्य करार
सकाळ वृत्तसेवा
कोल्हापूर, ता.४ ः शिवाजी विद्यापीठासमवेत भारतीय प्राणी सर्वेक्षण संस्थेच्या झालेल्या सामंजस्य करारामुळे विविध संयुक्त संशोधन प्रकल्पांना चालना मिळेल, अशी अपेक्षा झेड.एस.आय.च्या पहिल्या महिला संचालक डॉ. धृती बॅनर्जी यांनी येथे व्यक्त केला. विद्यापीठ व भारतीय प्राणी सर्वेक्षण संस्था (झेड. एस. आय.) यांच्यात प्राण्यांविषयी आधुनिक पद्धतीने अभ्यास करण्यासाठी पाच वर्षांचा सामंजस्य करार नुकताच केला. त्यावेळी त्या बोलत होत्या.
डॉ. बॅनर्जी म्हणाल्या, ‘‘झेड.एस.आय.च्या देशातील विविध केंद्रांमध्ये उपलब्ध प्राण्यांचे नमुने आणि अवशेष यांचा अभ्यास करण्यासाठी शिवाजी विद्यापीठ आणि विद्यापीठाशी संलग्नित महाविद्यालयांना नवे दालन खुले झाले आहे. त्याचा संशोधन विकासासाठी निश्चितच उपयोग होईल.’’
कुलगुरू डॉ. डी. टी. शिर्के म्हणाले, ‘‘दोन्ही संस्थांमधील विद्यार्थी, शिक्षक व संशोधक यांनी या करारांतर्गत संशोधन करून प्राणी संवर्धन व समाजोपयोगी स्वरुपाचे काम करावे. प्राणिशास्त्राबरोबरच अन्य विषयांतील संशोधकांना सुद्धा यात सहभागी करून घेण्याचा प्रयत्न करावा, जेणे करून कराराची व्याप्ती अधिक वाढेल आणि संशोधनाचा परीघही विस्तारेल.’’
सामंजस्य कराराबाबत माहिती देताना डॉ. एस.एम. गायकवाड म्हणाले, ‘‘झेड.एस.आय.चे संशोधक व शिवाजी विद्यापीठ कार्यक्षेत्रातील प्राध्यापक आणि प्राणिशास्त्राचे पदव्युत्तर व संशोधक विद्यार्थी यांच्यात संशोधनाच्या कामाची देवाण-घेवाण करण्याच्या उद्देशाने करार केला आहे. त्याचबरोबर दोन्ही संस्थांच्या संयुक्त विद्यमाने कार्यशाळा, चर्चासत्रे, परिषदा व संशोधन प्रकल्पही राबविण्यात येणार आहेत. या कराराअंतर्गत खास करून पश्चिम घाटातील जैवविविधतेवर संशोधन होणार असल्याने पश्चिम घाटातील जैवविविधता अधिक प्रकर्षाने अधोरेखित होईल.’’
करारावर परीक्षा नियंत्रक गजानन पळसे व झेड.एस.आय.च्या संचालक डॉ. धृती बॅनर्जी यांनी स्वाक्षरी केली. प्र-कुलगुरू डॉ. पी.एस. पाटील, प्राणीशास्त्र अधिविभागाचे प्रमुख डॉ. ए.ए. देशमुख, झेड.एस.आय. (पुणे)चे ऑफिस इनचार्ज डॉ. बासुदेव त्रिपाठी आणि प्राणीशास्त्र अधिविभागातील शिक्षक, संशोधक उपस्थित होते.

Web Title: Todays Latest Marathi News Kop22y55124 Txt Kolhapur

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top