मुस्लिम समाज बैठक

मुस्लिम बांधव आज
मशिदीजवळ स्तब्धता पाळणार
कोल्हापूर, ता. ४ ः राजर्षी शाहू महाराज स्मृतिशताब्दी वर्षानिमित्त जिल्ह्यातील सर्व मशिदीजवळ मुस्लिम बांधव उद्या (ता. ६) सकाळी दहा वाजता एकत्र येऊन शंभर सेकंद स्तब्धता पाळून राजर्षी शाहू महाराजांच्या स्मृतींना अभिवादन करतील असा निर्णय मुस्‍लिम धर्मगुरूच्या बैठकीत आज झाला. मुस्लिम बोर्डिंगमध्ये ही बैठक घेण्यात आली. जिल्हाधिकारी राहुल रेखावार यांच्या सुचनेनुसार मुस्‍लिम बांधवाची बैठक घेण्यात आली. गणी आजरेकर यांनीही बैठक बोलवली. तीत वरीलप्रमाणे निर्णय घेण्यात आले. बैठकीसाठी मौलाना मन्सुर कस्मी, मौलाना इरफान कास्मी, सलीम आत्तार, बाळासाहेब मोमीन, कादर मलबारी, माजी नगरसेवक आदिल फरास, कैस बागवान आदी उपस्थित होते.