कंत्राटी कामगारांचे निवेदन

२०१६३
इचलकरंजी ः आयजीएम रुग्णालयाचे अधीक्षक डॉ. रवींद्र शेट्ये यांना निवेदन देताना मराठी कामगार सेनेचे पदाधिकारी.

‘कंत्राटी कर्मचाऱ्यांना
कामावर रुजू करा’
इचलकरंजी ः कोरोना महामारीत आयजीएम रुग्णालयात सफाईचे काम करणाऱ्या कंत्राटी कर्मचाऱ्यांना पुन्हा कामावर रुजू करावे, या मागणीचे निवेदन मराठी कामगार सेनेतर्फे रुग्णालयाचे अधीक्षक डॉ. रवींद्र शेट्ये यांना दिले. येथील आयजीएम सामान्य रुग्णालयात कंत्राटी पद्धतीने भरती केलेल्या सफाई कर्मचाऱ्यांनी कोरोनाच्या तिन्ही लाटेत जीवाची पर्वा न करता सेवा बजावली, मात्र कोरोना संसर्गाचे प्रमाण कमी होत गेल्याने त्यांना कमावरून कमी केले आहे. जिल्हा शल्यचिकित्सक कार्यालयाकडून पुन्हा नव्या सफाई कर्मचाऱ्यां‍ची भरती करण्यात येत असल्याचे समजते. जुन्या कर्मचाऱ्यां‍ना प्राधान्याने कामावर रुजू करावे, असे निवेदनात म्हटले आहे. शिष्टमंडळात महेश शेंडे, योगेश दाभोळकर, उत्तम गुरव, प्रतापराव पाटील, शहाजी भोसले यांचा समावेश होता.