हज यात्रा

हज यात्रेकरूंसाठी
गुरूवारपासून विधींचे प्रशिक्षण
..............
कोल्हापूर, ता.९ ः कोरोनाच्या तब्बल दोन वर्षाच्या संक्रमण काळातून जग आता सावरत आहे. अशातच दोन वर्षे सौदी अरेबिया मधील सरकारने बंद केलेली हज यात्रा यंदा मात्र ६५ वर्षापर्यंतच्या व्यक्तींच्यासाठी काही नियमांच्या अधीन राहून खुली केली आहे. नुकताच हज कमिटी ऑफ इंडियातर्फे लॉटरी पद्धतीने हज यात्रेकरूंची २०२२ च्या यात्रेसाठी निवड केली असून त्यासाठी जिल्ह्यातील एकूण १०८ हज यात्रेकरु निवडले आहेत. या यात्रेकरूंना हज फाउंडेशन,कोल्हापूरतर्फे गुरुवारपासून (ता. १२) सलग तीन दिवस हज यात्रेदरम्यान होणाऱ्या विधींच्या बाबतीत प्रशिक्षण दारुल उलूम मदरसा शिरोली येथे दिले जाणार आहे.
हे प्रशिक्षण स्व.हाजी सिकंदर मणेर यांनी सुरू केले, ३५ वर्षे सिकंदर मणेर यांच्या मार्गदर्शनाखाली हज यात्रेकरूंना विमान प्रवास करण्यापासून हज विधीपर्यंतचे प्रशिक्षण दिले जात होते. त्यांच्या निधनानंतर हज फाउंडेशनने हाजी सिकंदर मणेर यांचे हे कार्य यापुढेही अविरत सुरू राहणार आहे. यंदाचे हे प्रशिक्षण कोल्हापूर जिल्ह्याचे मर्कजचे प्रमुख (आमिर साहब) हाजी दिलावर मुलाणी (बालिंगे) यांच्या मार्गदर्शनाखाली व अन्य तज्ज्ञांच्या सहकार्याने दिले जाणार आहे. यात्रेकरूंनी हज प्रशिक्षणासाठी १२ ते १४ मेपर्यंत सहभागी होऊन या प्रशिक्षणाचा लाभ घ्यावा असे आवाहन हज फौंडेशनचे उपाध्यक्ष हाजी बालेचांद म्हालदार ,सचिव समीर मुजावर, खजानिस हाजी बाबासाहेब शेख, हाजी इम्तियाज बारगिर, हाजी अस्लम मोमीन व यांनी केले आहे.
...........