निवृत्त कर्मचाऱ्यांची मागणी

पेन्शन जमा झाली नसल्याबद्दल तक्रार
कोल्हापूर, ता. ९ ः महापालिकेच्या निवृत्त कर्मचाऱ्यांनी पेन्शन जमा न झाल्याबद्दल आज उपायुक्त रविकांत आडसूळ यांची भेट घेऊन तक्रार केली. त्यानंतर पेन्शन विभागाच्या अधिकाऱ्यांना बोलवून पेन्शन जमा केली नसल्याबद्दल कानउघाडणी केली.
महापालिका कायम कर्मचाऱ्यांचा पगार ५ मे रोजी झाला. त्याप्रमाणे निवृत्त कर्मचाऱ्यांची पेन्शन जमा न झाल्याने आज काही कर्मचारी महापालिकेत आले. त्यांनी उपायुक्त आडसूळ यांची भेट घेऊन तक्रार केली. आडसूळ यांनी संबंधित अधिकाऱ्यांना त्याचा जाब विचारला. उशिरा पेन्शन जमा केल्याबद्दल वेतनवाढ का रोखू नये अशी कारवाई केली जाऊ शकते असा इशाराही दिला.