तुकडे बंदी दस्त सुरू करा

तुकडे बंदीचे परिपत्रक
रद्द झाल्याने दस्त नोंदणी सुरु करा
--
जिल्हा बार असोसिएशनची निवेदनाव्दारे मागणी

कोल्हापूर, ता. १० ः औरंगाबाद खंडपीठ न्यायनिर्णयानुसार तुकडे बंदीचे परिपत्रक रद्द केले आहे. तरीही त्या संदर्भातील खरेदी -विक्री दस्त सुरू नाहीत.
दस्त नोंदणी सुरु करा, अशी मागणी कोल्हापूर जिल्हा बार असोसिएशनतर्फे आज मुद्रांक जिल्हाधिकारी मल्लिकार्जुन माने यांच्याकडे निवेदनाद्वारे केली.
निवेदनात म्हटले आहे, १२ जुलैच्या परिपत्रक नुसार गेली ११ महिने तुकडे बंदीचे व्यवहार बंद आहेत. नवीन आदेश नुसार तुकडे बंदीचे परिपत्रक रद्द केले आहे. त्यामुळे बंद असलेले व्यवहार चालू करावेत, अशी मागणी अध्यक्ष गिरीश खडके, सचिव ॲड. विजयकुमार ताटे-देशमुख यांनी वकिलांच्या शिष्टमंडळाकडून श्री. माने यांच्याकडे केली. श्री. माने यांनी असे सांगितले, याबाबत तातडीने विचार करून त्यानुसार वरिष्ठ पातळीवरून निर्णय घेतला जाईल.
शिष्टमंडळात वकील मिलिंद शेडसाळ, निखिल शिराळकर, साईप्रसाद भाकरे, तेजगोंड पाटील, अब्दुल मुल्ला, बबन पवार, प्रशांत पाटील, विवेक पाटील, महांतेश कोल्हे आदींचा समावेश होता.