कलावती सोनार बसर्गेच्या उपसरपंच

ओंकारच्या विद्यार्थ्याची वाचनालयास भेट
गडहिंग्लज : येथील ओंकार कला, वाणिज्य, विज्ञान महाविद्यालयाच्या मराठी विभाग व राजर्षी शाहू कनिष्ठ महाविद्यालयातर्फे साने गुरुजी मोफत वाचनालयास भेट दिली. यासाठी संस्थाध्यक्ष राजन पेडणेकर यांचे प्रोत्साहन, तर प्राचार्य डॉ. सुरेश चव्हाण यांचे मार्गदर्शन मिळाले. मराठी विभागप्रमुख प्रा. भीमराव शिंदे, डॉ. शर्मिला घाटगे, प्रा. कविता पोळ, प्रा. क्रांती शिवणे यांनी नियोजन केले होते.
---------------
कलावती सोनार बसर्गेच्या उपसरपंच
चंदगड ः बसर्गे (ता. चंदगड) ग्रामपंचायतीच्या उपसरपंचपदी कलावती सोनार यांची सर्वानुमते निवड करण्यात आली. सागर गुरव यांनी उपसरपंचपदाचा राजीनामा दिल्यामुळे त्यांच्या जागी सोनार यांना संधी देण्यात आली. ग्रामपंचायतीवर माजी राज्यमंत्री भरमूअण्णा पाटील गटाची सत्ता असून सोनार सलग दोन वेळा ग्रामपंचायत सदस्यपदी भरघोस मतांनी निवडून आल्या आहेत. त्यामुळे त्यांना या पदावर संधी देण्याचा निर्णय घेण्यात आला. सरपंच तुकाराम कांबळे यांच्या अध्यक्षतेखाली झालेल्या सदस्यांच्या बैठकीत हा निर्णय घेतला. या वेळी सर्व सदस्यांसह ‘गोकुळ’चे माजी संचालक दीपक पाटील, मारुती कुट्रे, राम पाटील, वसंत चव्हाण, सुभाष पाटील, सागर गुरव, तुकाराम बेनके उपस्थित होते.