ढगाळ हवामानाने तापमानात घट

ढगाळ हवामानाने तापमानात घट
गडहिंग्लज : गेल्या दोन दिवसापासून गडहिंग्लज शहर व तालुक्यात ढगाळ वातावरणामुळे तापमान घटले आहे. यामुळे वातावरणातील उष्णता कमी झाली आहे. असनी चक्रीवादळामुळे या भागात ढगाळ वातावरण तयार झाले आहे. बुधवारी सायंकाळी काही वेळ तुरळक पाऊसही झाला. यामुळे हवेत गारवा तयार झाला. आजही दिवसभर ढगाळ हवामान होते. दोन दिवसापासून सूर्यदर्शन नसल्याने उकाडा कमी झाला आहे. गेल्या अनेक दिवसापासून उष्णतेने हैराण झालेल्या नागरिकांना दोन दिवस उकाड्यापासून दिलासा मिळाला आहे.