टर्न टेबल लॅडर

21435
टर्न टेबल लॅडरचे उद्या लोकार्पण
कोल्हापूर ः आपत्तीवेळी शहरातील उंच इमारतींमधून नागरिकांना सुरक्षित बाहेर काढण्यासाठी महापालिकेने घेतलेल्या टर्न टेबल लॅडरचे लोकार्पण शनिवारी (ता. १४) होत आहे. सासने ग्राऊंड येथे दुपारी चार वाजता कार्यक्रम होणार आहे.
महापालिका व राज्य शासनाच्या निम्म्या-निम्म्या निधीतून लॅडर घेण्यात आला आहे. गेल्या आठवड्यात तो कोल्हापुरात आला. त्याबाबतची कार्यालयीन औपचारिकता पूर्ण करून त्याला सेवेत रूजू करून घेण्यात येणार होते. ती बहुतांश प्रक्रिया पूर्ण झाली असल्याने शनिवारी (ता. १४) त्याचे लोकार्पण केले जाणार आहे. पालकमंत्री सतेज पाटील, ग्रामविकास मंत्री हसन मुश्रीफ, प्रशासक डॉ. कादंबरी बलकवडे यांच्या प्रमुख उपस्थितीत कार्यक्रम होणार आहे. लॅडर कशापद्धतीने चालवला जाणार आहे याचे प्रात्यक्षिकही दाखवले जाणार आहे.