मांगनूरच्या हिंदमाता सोसायटीचे सावंत अध्यक्ष

21516
शंकर सावंत, दिनकर शिंगटे

मांगनूरच्या हिंदमाता सोसायटीचे
सावंत अध्यक्ष; शिंगटे उपाध्यक्ष
गडहिंग्लज, ता. १३ : मांगनूर तर्फ सावंतवाडी (ता. गडहिंग्लज) येथील हिंदमाता विकास संस्थेच्या अध्यक्षपदी शंकर सावंत यांची, तर उपाध्यक्षपदी दिनकर शिंगटे यांची बिनविरोध निवड झाली. संस्थेची निवडणूक नुकतीच बिनविरोध होऊन आमदार राजेश पाटील व माजी आमदार संध्यादेवी कुपेकर गटाची सत्ता कायम राहिली. पॅनेलप्रमुख प्रकाश पाटील व महादेव शिंगटे यांच्यासह संचालकांच्या उपस्थितीत झालेल्या बैठकीत ही निवडप्रक्रिया झाली. अध्यक्षपदासाठी सावंत यांचे नाव प्रकाश पाटील यांनी सुचविले, तर महादेव शिंगटे यांनी अनुमोदन दिले. उपाध्यक्षपदासाठी शिंगटे यांचे नाव तानाजी चव्हाण यांनी सुचवून कासेवा सावंत यांनी अनुमोदन दिले. तुकाराम शिंदे यांनी प्रास्ताविक केले. नूतन अध्यक्ष सावंत यांनी आभार मानले. सचिव जितेंद्र जाधव यांनी निवडीचे कामकाज पाहिले. या वेळी सचिन घुगरे, अर्जुन पाटील, मधुकर कांबळे, गंगाराम लोहार, जनाबाई करडे व संचालक उपस्थित होते.