उपमुख्यमंत्री-केंद्रीय मंत्री दौऱ्यावर

उपमुख्यमंत्री, केंद्रीय मंत्री
आज जिल्हा दौऱ्यावर
कोल्हापूर : राज्याचे उपमुख्यमंत्री अजित पवार, केंद्रीय रेल्वे राज्य मंत्री रावसाहेब पाटील-दानवे आणि केंद्रीय अर्थ राज्यमंत्री भागवत कराड शनिवार (ता. १४) कोल्हापूरमध्ये विमानतळावरून सांगलीकडे रवाना होणार आहेत. श्री. पवार यांचे सायंकाळी ४.४० वाजता कोल्हापूर विमानतळ येथे आगमन होईल.
पावणेपाच वाजता ते मोटरीने तासगावकडे (जि. सांगली) रवाना होतील. केंद्रीय रेल्वे, कोळसा व खनिकर्म राज्यमंत्री दानवे यांचे सायंकाळी ६.०५ वाजता विमानतळावर आगमन होईल. केंद्रीय अर्थ राज्यमंत्री श्री. कराड सायंकाळी ५.१५ वाजता कोल्हापूर विमानतळ येथे येतील. मंत्री दानवे आणि कराड दोघेही मोटारीने तासगांवकडे रवाना होतील. रात्री ९ वाजता कोल्हापूर विमानतळ येथे आगमन व विमानाने मुंबईकडे प्रयाण होणार आहे.