फुटबॉल प्रशिक्षण शिबिर

21628

शिवाजी स्पोर्टस् ॲकॅडमीतर्फे मोफत 
फुटबॉल प्रशिक्षण शिबिराल प्रारंभ

सकाळ वृत्तसेवा 
कोल्हापूर : शिवाजी स्पोर्टस् ॲकॅडमीतर्फे आयोजित मोफत फुटबॉल प्रशिक्षण शिबिरास  छत्रपती शिवाजी स्टेडियमवर प्रारंभ झाला. यंदा शिबिराचे २१ वे वर्ष आहे. या शिबिरात १० ते १८ वयोगटातील चारशेहून अधिक मुलामुलींनी  सहभाग घेतला.  
वेस्टर्न इंडिया फुटबॉल असो.चे उपाध्यक्ष व केएसएचे अध्यक्ष युवराज मालोजीराजे छत्रपती यांच्या हस्ते उद्घाटन झाले. कर्नल गणपती, सत्यजित जाधव, पाटाकडील तालीमचे अध्यक्ष सुभाष सरनाईक, माणिक मंडलिक, शिवाजी पाटील सचिन पाटील, विनायक फाळके आदी उपस्थित होते .शहरात न्यू कॉलेज, खराडे कॉलेज, प्रायव्हेट हायस्कुल त्याचप्रमाणे जुना बुधवार मैदान, दुधाळी, आयॊलेशन हॉस्पिटल मैदान,  कणेरीमठ हायस्कुल आदी आठ मैदानावर हे प्रशिक्षण शिबिर १५ दिवस चालणार आहे.    
ॲकॅडमीचे अध्यक्ष शिवछत्रपती पुरस्कार विजेते शिवाजी पाटील यांनी स्वागत केले. शिबिराचे  संयोजन प्रशिक्षक सुमित पाटील, किरण साळोखे, उदय पाटील, अमित शिंत्रे, विनायक चौगुले, प्रमोद बोडगे, सुनिल ठोंबरे, प्रदीप साळोखे, युवराज पाटील, सतीश भोसले, सुशांत गायकवाड, महावीर पोवार, संदीप पाटील, संतोष पोवार, तुषार पाटील, सागर शिंदे, संतोष कामते, सुरेश चव्हाण, नंदु जांभळे, संदिप भोसले, आशिष पाटील, प्रियांका गवळी आदींनी केले.