राष्ट्रीय स्वयंसेवक संघाचा प्राथमिक शिक्षा वर्ग

23008
--------
राष्ट्रीय स्वयंसेवक संघाचा
प्राथमिक शिक्षा वर्ग
इचलकरंजी, ता. १९ : माधव विद्यामंदिरमध्ये राष्ट्रीय स्वयंसेवक संघाचा प्राथमिक शिक्षा वर्ग उत्साहात झाला. ११ ते १८ मे दरम्यान झालेल्या या वर्गात सुमारे ६० प्रशिक्षणार्थी सहभागी झाले. उत्तर कोल्हापूर जिल्ह्यातील १६ ते २५ वयोगटातील युवकांसाठी आयोजन केले होते. मन, शरीर आणि बुद्धी असा सर्वांगीण विकास साधण्यासाठी प्रशिक्षण दिले. सूर्यनमस्कार, योग, दंड, खेळ, घोष आदींचे प्रशिक्षण दिले. विविध मान्यवरांच्या उपस्थितीत बौद्धिक वर्गही झाले. यात शाखा लावणे, उत्सव, प्रार्थना आदींबाबत माहिती दिली. प्रशिक्षणार्थींची चार गणात विभागणी केली होती. वर्गात पर्यावरण आणि पाणी प्रदूषण या विषयावर चर्चासत्र झाले. राष्ट्रीय स्वयंसेवक संघाचे सुनीलराव कुलकर्णी यांनी वर्ग कार्यवाह, तर मुख्य शिक्षक म्हणून राजाराम बरागडे यांनी काम पाहिले. शिबिर यशस्वितेसाठी व्यवस्थापक वरुण कांकाणी, महेश जोशी आदींनी परिश्रम घेतले.