तरूणाची नदीत उडी

शिरोली पुलावरून
तरुणाची पंचगंगेत उडी
कोल्हापूर, ता. १९ ः शिरोली पुलावरून पंचगंगा नदी पुलावरून एकाने आज दुपारी उडी घेतली. अशी माहिती अग्निशामक दलाला मिळाली. पथकाने घटनास्थळी धाव घेऊन तातडीने शोधमोहीम राबविली. पण त्याला यश आले नाही. अंधार पडल्यानंतर ही शोध मोहीम थांबविली.
अग्निशामक दल आणि घटनास्थळावरून मिळालेली माहिती, एक तरुण तावडे हॉटेल चौक परिसरात दुपारी आला. त्याने आपले वाहन थांबवून फोन केला. त्यानंतर त्याने नदीत उडी घेतल्याची चर्चा सुरू झाली. अग्निशामक दल तातडीने घटनास्थळी दाखल झाले. पथकाने तावडे हॉटेल ते वळिवडे मार्गावर यांत्रिक बोटीसह उपकरणाच्या साहाय्‍याने तरुणाचा शोध सुरू केला. मात्र त्याला यश आले नाही. सायंकाळी ही मोहीम थांबविली. उद्या (ता. २०) सकाळी पुन्हा शोध मोहीम सुरू करण्यात येणार असल्याचे अग्निशामक दलाने सांगितले. दरम्यान, घटनास्थळी बघ्यांची मोठी गर्दी झाली होती.