हिरलगे संस्थेच्या अध्यक्षपदी घाटगे

23208
उदयसिंग घाटगे, विठ्ठल ऊर्फ नाना शिंदे

हिरलगे संस्थेच्या अध्यक्षपदी घाटगे
गडहिंग्लज : हिरलगे (ता. गडहिंग्लज) येथील हिरलगे विकास सेवा संस्थेच्या अध्यक्षपदी उदयसिंग घाटगे यांची, तर उपाध्यक्षपदी विठ्ठल ऊर्फ नाना शिंदे यांची बिनविरोध निवड झाली. सहायक निबंधक कार्यालयाकडील सहकार अधिकारी आर. जे. कांबळे यांच्या अध्यक्षतेखाली झालेल्या विशेष सभेत या निवडी झाल्या. नुकत्याच झालेल्या पंचवार्षिक निवडणुकीत सत्तारूढ श्री मंगाईदेवी शेतकरी विकास पॅनेलने सर्व १२ जागा जिंकत सत्ता कायम राखली आहे. निवडीनंतर नूतन अध्यक्ष-उपाध्यक्षांचा सत्कार करण्यात आला. माजी अध्यक्ष भीमराव पाटील, संचालक संदीप कुंभार, शिवाजी कुंभार, शिवाजी शिंदे, राजाराम देसाई, विठ्ठल देसाई, सुनील घेवडे, रमेश यादव, वर्षा नेसरकर, भारती उबारे यांच्यासह पॅनेलप्रमुख सरपंच सचिन देसाई उपस्थित होते.