माधवबाग हॉस्पीटलतर्फे आरोग्य शिबीर

माधवबाग हॉस्पिटलतर्फे आरोग्य शिबिर
गडहिंग्लज : माधवबाग हॉस्पिटलच्या येथील शाखेतर्फे ता. २८ ते ३१ दरम्यान हृदयरोग व मधुमेह रुग्णांसाठी आरोग्य तपासणी शिबिर आयोजित केले आहे. अँजिओग्राफी, अँजिओप्लास्टी व बायपास झालेल्या रुग्णांसाठी मोफत हृदयरोग तपासणी व मधुमेही रुग्णांची तपासणी होणार आहे. हृदयाची कार्यक्षमता वाढविण्यासाठी आणि मधुमेह कशामुळे होतो व त्यावरील उपाय यांबाबत तज्ज्ञ आयुर्वेदिक डॉक्टरांचे मार्गदर्शन मिळणार आहे. हृदयरोगासंबंधित रुग्णांनी पूर्वीचे मेडिकल रिपोर्ट आणि मधुमेही रुग्णांनीही ‘एचबीएवनसी’चे जुने रिपोर्ट घेऊन येणे आवश्यक आहे. आजरा रोडवरील सिद्धिविनायक कॉम्प्लेक्समधील हॉस्पिटलमध्ये सकाळी दहा ते सायंकाळी पाच या वेळेत हे शिबिर होईल. गरजूंनी त्याचा लाभ घेण्याचे आवाहन करण्यात आले आहे.