देसाई हॉस्पिटलतर्फे रविवारी पोलिसांची आरोग्य तपासणी

देसाई हॉस्पिटलतर्फे रविवारी
पोलिसांची आरोग्य तपासणी
गडहिंग्लज, ता. २४ : येथील देसाई हॉस्पिटलचा ३७ वा वर्धापनदिन आहे. यानिमित्त गडहिंग्लज पोलिस ठाण्यातील पोलिस अधिकारी-कर्मचारी व त्यांच्या कुटुंबियांची मोफत आरोग्य तपासणी केली जाणार आहे. रविवारी (ता.२९) सकाळी दहा ते दुपारी एक या कालावधीत पोलिस ठाण्याच्या आवारात हे शिबिर होईल. पोलिस कर्मचारी २४ तास सेवेत असतात. त्यांच्यावर कामाचा ताण मोठा असतो. पण, आरोग्याची काळजी घेण्यास पुरेसा वेळ मिळत नाही. ही बाब लक्षात घेऊन पोलिस कर्मचाऱ्यांसाठी या शिबिराचे आयोजन केले आहे. पोलिस कर्मचारी व त्यांच्या कुटुंबियांनी शिबिराचा लाभ घ्यावा, असे आवाहन हृदयरोग तज्ज्ञ डॉ. चंद्रशेखर देसाई, डॉ. रोहित देसाई यांनी केले आहे.