संभाजी ब्रिगेड निवेदन

संभाजी ब्रिगेडचे
उद्या धरणे आंदोलन
कोल्हापूर ः पोल्‍ट्री हा शेतीपूरक व्यवसाय असल्याने ग्रामीण भागात पोल्ट्रीचा घरफाळा तसेच व्यवसाय कर रद्द करावेत, यासह विविध मागण्यांसाठी संभाजी ब्रिगेडतर्फे गुरुवारी (ता. २६) आंदोलन होणार आहे. लाईन बझार रोडवरील पशुसंवर्धन उपायुक्त कार्यालयासमोर सकाळी अकराला हे आंदोलन होईल. प्रमुख मागण्या अशा ः कोंबडी संगोपन खर्च वाढवावा, कोंबडी खरेदी करणाऱ्या कंपनीने लिप्टिंग खर्च स्वतः करावा अथवा प्रतिकिलोला एक रुपया लिप्टिंग खर्च द्यावा, लहान पक्षी, खाद्य, औषधांचे बेकायदेशीररित्या वाढवलेले दर कमी करावेत, पोल्ट्री फार्मधारकांना दोन आठवड्यांत नवे पक्षी द्यावेत, जीवंत पक्ष्यांचे दर हे ट्रेडरकडून जाहीर न करता पशुसंवर्धन विभागाने जाहीर करावेत, कोंबडीचे किरकोळ विक्रीचे दर नियंत्रणात ठेवावेत आदी मागण्यांसाठी हे आंदोलन होणार आहे, अशी माहिती ब्रिगेडचे जिल्हाध्यक्ष रूपेश पाटील यांनी पत्रकाद्वारे दिली.