संजय राऊत यांची जाहीर सभा

खासदार राऊत यांची
आज जाहीर सभा
कोल्हापूर, ता. २७ : शिवसेनेचे सचिव खासदार संजय राऊत यांची जाहीर सभा उद्या (ता. २८) सायंकाळी साडेसहा वाजता प्रायव्हेट हायस्कूल मैदानावर होणार आहे. त्यांच्या स्वागतासाठी आज शहरात कमानी आणि होर्डिंग्ज उभारण्यात आले असून चौकाचौकांत भगवे ध्वज फडकविले आहेत. सभा यशस्वी करण्याचा निर्धार आज शिवसैनिकांनी बैठक घेऊन केला. उद्याच्या सभेत खासदार राऊत नेमके कोणावर निशाणा ठेवणार याची शिवसैनिकांत उत्सुकता आहे.
दौरा असा
२८ मे - सकाळी ११.०० वाजता - खंडपीठ कृती समितीच्या शिष्टमंडळासमवेत बैठक व चर्चा, दुपारी १२.०० वाजता -पत्रकार परिषद, सायंकाळी ६.०० वाजता -करवीर निवासिनी अंबाबाई मंदिर येथे दर्शन, सायंकाळी ६.३० वाजता -शिवसंपर्क अभियान जाहीर सभा - प्रायव्हेट हायस्कूल मैदान

२९ मे - सकाळी ११.०० वाजता-उत्तम उत्तूरे फौंडेशन आयोजित मोफत आरोग्य तपासणी शिबिराचे उद्‍घाटन - मोरे हॉस्पिटल, राजारामपुरी ९ वी गल्ली, सायंकाळी ६.०० वाजता- शिवसंपर्क अभियान जाहीर सभा- गैबी चौक, कागल