स्वच्छतेबाबत मांगलेवाडी, गवळीवाडा नागरिकांची तक्रार

28004
गडहिंग्लज : मांगलेवाडी, गवळीवाडा परिसरातील स्वच्छतेच्या मागणीचे निवेदन पालिका अधिकाऱ्‍यांना देताना नागरिकांचे शिष्टमंडळ.

स्वच्छतेबाबत मांगलेवाडी,
गवळीवाडा नागरिकांची तक्रार
गडहिंग्लज : शहरातील मांगलेवाडी, गवळीवाडा परिसरात अस्वच्छता असून यामुळे चिकन गुनिया, डेंगीसदृश रुग्णांचे प्रमाण वाढत आहे. पाणीही गढूळ येत आहे. कचरा विस्कटलेल्या अवस्थेत असतो. पालिका प्रशासनाने याकडे त्वरित लक्ष देऊन स्वच्छता करावी, अशी मागणी नागरिकांनी केली आहे. सहा महिन्यांपासून स्वच्छतेकडे दुर्लक्ष झाल्याने कचऱ्याचे ढीग तसेच आहेत. माजी नगरसेवकांचेही याकडे लक्ष नाही. प्रभाग पाचमधील स्वच्छतेसाठी त्वरित उपाययोजना करावी; अन्यथा आंदोलनाचा इशारा दिला. संतोष मांगले, विनायक देवार्डे, राजू मोहिते, प्रेम इंगळे, निखिल पोवार, सुधाकर पाटील, बाबूराव पाटील, ओंकार खोत, कुमार पाटील, मुजमिन शेख आदींच्या शिष्टमंडळाने पालिकेला निवेदन सादर केले.