अकरावी प्रवेश बातमी

दहावीचे गुणपत्रक सोमवारी मिळणार
सकाळ वृत्तसेवा
कोल्हापूर, ता.२८ ः दहावी परीक्षेचे गुणपत्रक विद्यार्थ्यांना सोमवारी (ता.४) दुपारी तीन वाजल्यानंतर शाळांमध्ये मिळणार आहे. अशी माहिती महाराष्ट्र राज्य माध्यमिक व उच्च माध्यमिक शिक्षण मंडळाकडून देण्यात आली आहे. त्यामुळे पुढील आठवड्यापासून अकरावी प्रवेश प्रक्रियेला गती मिळणार आहे.
दहावीचा निकाल जाहीर होऊन दोन आठवडे उलटून गेले तरी अद्याप विद्यार्थ्यांना गुणपत्रक मिळाले नव्हते. मात्र आता ते सोमवारी (ता.४) मिळणार आहे. त्यानंतर मात्र अकरावी प्रवेश प्रक्रियेला गती मिळेल. लवकरच प्रवेश प्रक्रियेचा पुढील टप्पा सुरू होणार असून त्यामध्ये विद्यार्थ्यांना महाविद्यालयांचा प्राधान्यक्रम भरावा लागेल. अन्य बोर्डांचे निकाल अद्याप लागलेले नसल्यानेही अकरावी प्रवेश प्रक्रियेचा पुढचा टप्पा पूर्ण झालेला नाही.
------------------------------------------------------------------------