माडखोलकर महाविद्यालयात गुरुवारी वक्तृत्व स्पर्धा

माडखोलकर महाविद्यालयात
गुरुवारी वक्तृत्व स्पर्धा
चंदगड, ता. ८ ः येथील र. भा. माडखोलकर महाविद्यालयाच्या रौप्य महोत्सवी वर्षानिमित्त गुरुवारी (ता. १४) वक्तृत्व स्पर्धेचे आयोजन केले आहे. प्राचार्य डॉ. पी. आर. पाटील यांनी ही माहिती दिली. वरिष्ठ आणि कनिष्ठ अशा दोन गटांत या स्पर्धा होतील. वरिष्ठ गटाच्या स्पर्धा राज्यस्तरीय, तर कनिष्ठ गटाच्या स्पर्धा चंदगड तालुका मर्यादित असेल. वरिष्ठ गटासाठीचे विषय असे ः स्वातंत्र्य चळवळीतील कोल्हापूर जिल्ह्याचे योगदान, कर्ते सुधारक ः लोकराजा छत्रपती शाहू महाराज, ऑनलाइन शिक्षण ः दशा आणि दिशा, अग्निवीर आणि देशाचे संरक्षण, धर्म राजकारण आणि आम्ही भारतीय लोक, र. भा. माडखोलकर महाविद्यालयाचे योगदान, तंत्रज्ञान आणि युवा पिढी. या गटातील विजेत्यांसाठी अनुक्रमे चार हजार, तीन हजार, दोन हजार व उत्तेजनार्थ एक हजार अशी बक्षिसे आहेत. कनिष्ठ गटासाठीचे विषय असे ः पालकांनो, आम्हाला काही सांगायचंय, आनंददायी शिक्षण म्हणजे काय रे भाऊ?, छत्रपती शिवराय आणि आपण, चला.. पर्यावरण वाचवूया, माझे आदर्श, शैक्षणिक क्रांतीचे अग्रदूत ः र. भा. माडखोलकर सर. या गटातील विजेत्यांना अनुक्रमे दोन हजार, दीड हजार, एक हजार व पाचशे रुपये अशी बक्षिसे आहेत. महाविद्यालयाच्या सभागृहात या स्पर्धा होतील. इच्छुकांनी सहभाग घ्यावा, असे आवाहन संयोजन समितीने केले आहे.