कोरोना नवे पंधरा रूग्ण

जिल्‍ह्यात कोरोनाचे
१५ नवे रुग्ण आढळले
१४ जण कोरोनामुक्त; बाधितांची संख्या ९४
सकाळ वृत्तसेवा
कोल्हापूर, ता. ८ ः जिल्‍ह्यात कोरोनाबाधित नवे १५ रुग्ण सापडले आहेत, तर १४ व्यक्ती कोरोनामुक्त झाल्या आहेत. त्यामुळे जिल्ह्यातील एकूण कोरोनाबाधितांची संख्या ९४ झाली आहे. यातील १२ जणांवर रुग्णालयात उपचार सुरू आहेत. ८२ व्यक्ती सौम्य लक्षणे आहेत, त्यांच्यावर घरीच उपचार सुरू आहेत.
जिल्ह्यातील कोरोनाबाधितांची दिवसागणिक वाढती संख्या अद्यापि कायम आहे. पावसाळी वातावरणामुळे अनेक व्यक्ती आजारी पडत आहेत. यात डेंगीसदृश आजारांची लक्षणे अनेकांना दिसत आहेत. अशा व्यक्तींची तपासणी करताना काही व्यक्ती कोरोनाची लक्षणे दिसताच त्यांची स्वॅब तपासणी केली जाते. त्यामुळे सध्या स्वॅब तपासणीचे प्रमाण दिवसाला सरासरी तीनशेवर गेले आहे. यातील दहा ते पंधरा संख्येने रोज नवे कोरोनाबाधित सापडत आहेत. यातील जवळपास ९० टक्के व्यक्तींना सौम्य लक्षणे असल्याने त्यांच्यावर घरीच उपचार सुरू असल्याची माहिती वैद्यकीय यंत्रणेने दिली.