सलून बंद

जिल्ह्यातील सलून बुधवारी बंद
कोल्हापूर : स्वामिनिष्ठ नरवीर शिवा काशिद पुण्यतिथीनिमित्त जिल्ह्यात बुधवारी (ता. १३) सलुन्स बंद राहतील. जिल्ह्यातील नाभिक समाजासह शिवप्रेमींच्या वतीने बुधवार पेठ, पन्हाळा येथे शिवा काशिद समाधीस्थळी कार्यक्रम होतील. आमदार डॉ. विनय कोरे, प्रांताधिकारी, तहसीलदार, पन्हाळा मुख्याधिकारी, सरपंच प्रतिभाताई पाटील यांच्या उपस्थित सकाळी साडेनऊ वाजता समाधीला अभिषेक होईल. प्रा. पवनकुमार पाटील यांचे व्याख्यान बस स्टॅंड येथील नगरपरिषद हॉलमध्ये होईल. युवक संघटनेतर्फे उपस्थित सर्वांना जेवणाची व्यवस्था आहे. बुधवारी जिल्ह्यातील सर्व सलुन्स बंद राहतील, अशी माहिती नाभिक समाजाचे जिल्हाध्यक्ष सयाजी झुंजार यांनी दिली.