इंटेट करिअर अकॅडमीत पालक मेळावा उत्साहात

34985
गडहिंग्लज : इंटेट अकॅडमीच्या पालक मेळाव्यात मार्गदर्शन करताना प्रा. पी. सत्यनारायण राव. शेजारी एम. एल. चौगुले, मनोहर गुरबे, आर. एस. निळपणकर, मीना रिंगणे.

इंटेट करिअर अकॅडमीत
पालक मेळावा उत्साहात
गडहिंग्लज, ता. १० : जेईई व नीट सारख्या परीक्षांमध्ये यशस्वी व्हावयाचे असेल, तर पाठांतरपेक्षा आकलन क्षमता वाढविणे महत्वाचे आहे. या परीक्षात वस्तूनिष्ठ स्वरुपाचे बहुपर्यायी प्रश्‍न असतात. त्याला सामोरे जाण्यासाठी सबंध अभ्यासक्रम पाठांतर करणे शक्य नाही, तर आकलन करुन घेतल्यास हमखास यश मिळू शकेल, असे मत इंटेट करिअर अकॅडमीचे संचालक प्रा. पी. सत्यनारायण राव यांनी व्यक्त केले.
इंटेट करिअर अकॅडमीतील पालक मेळाव्यात ते बोलत होते. अध्यक्षस्थानी संचालक एम. एल. चौगुले होते. समन्वयक प्रा. मनोहर गुरबे यांनी प्रास्ताविकात अकॅडमीतील कोर्सेसची माहिती दिली. प्रशिक्षक भरतसिंह गौड, रोहन अष्टेकर यांनी फौंडेशन कोर्सबाबत मार्गदर्शन केले. चौगुले म्हणाले, इंटेट अकॅडमीसाठी कार्यरत असणारा स्टाफ हा हैद्राबाद येथून आणला आहे. त्यांच्या शिक्षण ज्ञानाचा व अनुभवाचा लाभ तालुक्यातील विद्यार्थ्यांनी घ्यावा. मेळाव्यास संचालक डॉ. आर. एस. निळपणकर, मीना रिंगणे, डॉ. दत्ता पाटील, गौरी बेळगुद्री, पालक डॉ. विनय माने, डॉ. प्रिती माने, कविता गुरबे, अनुराधा गळतगे, विजय शिंदे उपस्थित होते.