आजऱ्यात ईद उत्साहात

आजऱ्यात ईद उत्साहात
आजरा ः आजरा तालुक्यात बकरी ईद उत्साहात शांततेच्या वातावरणात साजरी झाली. आजरा शहरात पावसामुळे नाईक गल्ली, आमराई गल्ली, दर्गा गल्ली, वाडा गल्ली, हैदर नगर, आझाद कॉलनी, पटेल कॉलनी, मुख्य रस्ता, भारत नगर यासह अन्य गल्लीमधील मशीदीमध्ये नमाज पठण व खुतबा पठण झाले. बकरी ईद निमित्त मुस्लीम बांधवांनी एकमेकांना अलिंगन देवून शुभेच्छा दिल्या. विश्वशांतीसाठी प्रार्थना करण्यात आली. प्रत्येकाच्या घरी शिरखुर्मासह गोडधोड पदार्थ केले होते. ईदच्या खरेदासाठी गेले दोन दिवस आजरा बाजारपेठेत गर्दी होती. आजऱ्यासह उतूर, खेडे, साळगाव, बहिरेवाडी, हरपवडे येथे ईद उत्साहात साजरी झाली.