इचल ः मुख्यमंत्री भेट

37003
मुख्यमंत्री एकनाथ शिंदे यांचा
प्रोत्साहन अनुदानाबद्दल सत्कार
इचलकरंजी ः खासदार धैर्यशील माने यांचे समर्थक माजी नगरसेवक रवींद्र माने यांनी मुख्यमंत्री एकनाथ शिंदे यांचा सत्कार केला. नियमित कर्ज फेडणाऱ्या शेतकऱ्यांना प्रोत्साहनपर ५० हजार रुपये अनुदान देण्याच्या निर्णयाबद्दल सत्कार केल्याचे त्यांच्याकडून सांगण्यात आले. आमदार प्रकाश आबिटकर उपस्थित होते. राज्यातील सत्तांतरानंतर शहर शिवसेनेतील काहीजण शिंदे गटात दाखल होण्याची शक्यता वर्तविण्यात येत आहे. यामध्ये माजी नगरसेवक माने यांच्यासह कार्यकर्त्यांची चर्चा आहे. या सत्काराच्या निमित्ताने पुढील काही दिवसांत शहरातील शिवसेनेचा एक गट शिंदे यांना पाठिंबा व्यक्त करण्याचे स्पष्ट संकेत आहेत. त्यामुळे या सत्काराच्या घडामोडीला स्थानिक महत्त्व निर्माण झाले आहे.