आरोग्य तपासणी शिबिरास प्रतिसाद

39189
भेडसगाव : मोफत आरोग्य शिबिरात रुग्णांची तपासणी करुन मार्गदर्शन करताना डॉ. राधिका जोशी, डॉ. संगीता पाटील.

आरोग्य तपासणी
शिबिरास प्रतिसाद
गडहिंग्लज, ता. २८ : भेडसगाव (ता. शाहूवाडी) ग्रामीण रुग्णालय, सह्याद्री ऑन्को लाईफ कॅन्सर सेंटर कराड आणि इंडियन कॅन्सर सोसायटी यांच्यातर्फे मोफत आरोग्य तपासणी शिबीर घेण्यात आले. या शिबिराला उत्स्फूर्त प्रतिसाद मिळाला. ऑन्को लाईफ केअर कॅन्सर सेंटरचे संचालक डॉ. प्रतापराजे महाडिक आणि सहाय्यक जिल्हा आरोग्य अधिकारी डॉ. उत्तम मदने, इंडियन कॅन्सर सोसायटीचे डॉ. अर्जुन शिंदे, तालुका आरोग्य अधिकारी डॉ. निरंकारी यांच्या हस्ते शिबीराचे उद्‍घाटन झाले. या उपक्रमात सर्वरोगनिदान, कॅन्सर स्क्रिनिंग तसेच तपासणी, जनजागृती व शंकांचे निरसन करत स्त्रीरोगतज्ञ डॉ. राधिका जोशी आणि डॉ. संगीता पाटील यांनी नागरिकांची तपासणी करून मार्गदर्शन केले. या उपक्रमास शाहूवाडी ग्रामीण रुग्णालयाचे वैद्यकीय अधिकारी डॉ. अक्षय पाटील यांचे सहकार्य मिळाले. कोरोनामुळे दोन वर्षे शिबिर घेता आले नाही. नुकत्याच झालेल्या या मोफत आरोग्य शिबिराने दिलासा मिळाल्याचे डॉ. महाडिक यांनी सांगितले.