जोशाबा विचार मंचतर्फे सोमवारी कार्यक्रम

जोशाबा विचार मंचतर्फे
सोमवारी शाहिरी मुजरा

कोल्हापूर, ता. २८ ः येथील जोशाबा विचार मंचतर्फे साहित्यरत्न लोकशाहीर अण्णा भाऊ साठे यांच्या १०२ व्या जयंतीनिमित्त ‘अण्णा भाऊंची लेखणी-जगात देखणी अण्णा भाऊंना शाहिरी मुजरा’ हा पोवाड्याचा कार्यक्रम होणार आहे. सोमवारी (ता. १) सायंकाळी चार वाजता शाहू स्मारक भवनात कार्यक्रम होणार आहे. ज्येष्ठ पत्रकार श्रीराम पचिंद्रे यांच्या अध्यक्षतेखाली शाहीर बाबूराव कांबळे, संजय गुरव आणि युवराज पुजारी हे पोवाडे सादर करणार आहेत. दिनकरराव आवळे, दिलीप बाळकृष्ण, संघसेन जगतकर, युवराज घोरपडे प्रमुख पाहुणे आहेत. लक्ष्मण द्रविड, बाळासाहेब भोसले, प्रा. डॉ. पवनकुमार गायकवाड, प्रा. डॉ. सयाजीराव गायकवाड, सुशीलकुमार कोल्हटकर, बाजीराव नाईक, प्रा. अशोक आळतेकर, सदानंद डिगे आदींची प्रमुख उपस्थिती असेल. या वेळी वशिष्ठ रणदिवे यांचा विशेष सत्कार होणार आहे. कार्यक्रमाला सर्वांनी उपस्थित रहावे, असे आवाहन निमंत्रक शाहीर विजय शिंदे, व्यवस्थापक प्रा. आनंद हाबळे यांनी केले.