हेब्बाळला पेयजलच्या जलशुद्धीकरणचे उद्‍घाटन

40277
-------------------------------------------------
हेब्बाळला पेयजलच्या
जलशुद्धीकरणचे उद्‍घाटन
सकाळ वृत्तसेवा
गडहिंग्लज, ता. २ : हेब्बाळ कसबा नूल (ता. गडहिंग्लज) येथे पेयजल योजनेचे व जलशुद्धीकरण प्रकल्पाचे उद्‍घाटन केदारी रेडेकर संस्था समूहाचे उपाध्यक्ष अनिरुद्ध रेडेकर यांच्याहस्ते झाले. सरपंच प्रमोदिनी कांबळे व उपसरपंच सूरज गवळी यांची प्रमुख उपस्थिती होती.
रेडेकर म्हणाले, ‘‘पेयजल योजनेमुळे गावात स्वच्छ व मुबलक पाणी मिळणार आहे. नदीतून येणारे अशुद्ध पाणी आता शुद्धीकरण होऊन गावकऱ्‍यांना मिळणार असल्याने आरोग्याचा प्रश्‍नही निकाली निघणार आहे. गावच्या विकासासाठी सर्वतोपरी प्रयत्न करू. तसेच रेडेकर धर्मादाय रुग्णालयाच्या माध्यमातून आरोग्य विषयक सोयीसुविधा पुरवण्याचा प्रयत्न करणार आहे.’’
आर. बी. पाटील यांनी स्वागत केले. श्री. रेडेकर यांचा सत्कार केला. पोलिसपाटील शिवाजी गवळी, राजेंद्र गवळी, राजेंद्र चौगुले, चंद्रशेखर मठदेवरु, लक्ष्मण सोलापुरे, आप्पासाहेब पाटील, गजानन पाटील, मलाप्पा शिरगावे आदी उपस्थित होते.