जिव्हाजी जन्मोत्सव सोहळ्यास प्रारंभ

जिव्हाजी जन्मोत्सव सोहळ्यास प्रारंभ
इचलकरंजी, ता. ३ ः येथील स्वकुळ साळी समाजातर्फे यंदाही भगवान जिव्हाजी जन्मोत्सव सोहळ्याला सुरुवात झाली आहे. १० ऑगस्टपर्यंत चालणार आहे. या कालावधीत विविध कार्यक्रम होणार असल्याची माहिती समाजाचे अध्यक्ष दिलीप ढोकळे व जन्मोत्सव सोहळा कमिटीची अध्यक्ष श्री. दुधाणे यांनी दिली.
दररोज सायंकाळी सात ते आठ या वेळेत भगवान जिव्हाजी ग्रंथ वाचन होणार आहे. याशिवाय चित्रकला, मेहंदी, पाककला, रांगोळी, झिम्मा-फुगडी या स्पर्धांसह आरोग्य शिबिर, व्याख्यान, विनोदी कार्यक्रम, सोंगी भजन, भजन असे कार्यक्रम होणार आहेत. १० ऑगस्टला सकाळी सव्वा सहा वाजता जन्मोत्सव सोहळा व महाप्रसाद वाटप होईल. तसेच पालखी मिरवणूक, रथ मिरवणूक, हळदी-कुंकू कार्यक्रम, बक्षीस वितरण होणार आहे. कार्यक्रम भगवान जिव्हाजी सांस्कृतिक भवन येथे होतील. २१ ऑगस्टला घोरपडे नाट्यगृहात भगवान जिव्हाजी पुरस्कार वितरण सोहळा व विविध गुणदर्शन कार्यक्रम होईल. यावेळी ज्येष्ठ समाज बांधवांचा सत्कार, गुणवंत विद्यार्थ्यांचा सत्कार करण्यात येणार आहे.