अखेर खाद्यान्नावर जीएसटी कायम झाला... | Sakal
sakal

बोलून बातमी शोधा

अखेर खाद्यान्नावर जीएसटी कायम झाला...
अखेर खाद्यान्नावर जीएसटी कायम झाला...

अखेर खाद्यान्नावर जीएसटी कायम झाला...

sakal_logo
By

जीएसटी व धान्य फोटो

सर्वसामान्यांना खिश्याला
तीनशे रुपयांची कात्री

खाद्यान्नावरील कर जीएसटी रद्दची आश्वासने हवेतच

सकाळ वृत्तसेवा
कोल्हापूर, ता. १३ ः खाद्यान्नावर केंद्र शासनाने लादलेला पाच टक्के जीएसटी अखेर सर्वसामान्यांच्या खिशाला कात्री लावणारा ठरत आहे. त्यामुळे २५ किलोच्या आतील पॅकिंग वस्तूसह ब्रॅण्डेड वस्तूंवर प्रत्येक ग्राहकाला पाच टक्के जीएसटी द्यावा लागतो. हा जीएसटी रद्द करू, अशी आमदार, मंत्री, खासदार, मुख्यमंत्री यांच्यासह स्थानिक तसेच राज्यस्तरीय चेंबर ऑॅफ कॉमर्स या व्यापाऱ्यांच्या संघटनांकडूनही दिलेली आश्‍वासने हवेत विरली आहेत. ग्राहकांना याचा थेट भुर्दंड बसत आहे. आगामी सणासुदीत याचा मोठा फटका ग्राहकांना दिसून येणार आहे.

खाद्यान्नावर पाच टक्के जीएसटी लावल्यामुळे हजारांच्या खरेदीवर ५० रुपयांची वाढ झाली आहे. प्रत्येक कुटुंबीयांचा मासिक अन्नधान्यावरील खर्च पाहता तो ४ ते ५ हजार असतो. त्यांना मासिक अडीच ते तीनशे रुपये भुर्दंड बसत आहे. किराणामाल दुकानदारांना अल्प कमिशनमध्ये व्यवयास करावा लागत आहे. त्यांच्यासाठी आणि ग्राहकांसाठी खाद्यान्नावरील पाच टक्के जीएसटी म्हणजे महागाईत भर असल्याच्या प्रतिक्रिया आहेत. सध्या पाच टक्क्यांनी वाढलेला हा कर भविष्यात आणखी वाढू शकतो, अशीही भीती दुकानदारांनी व्यक्त केली आहे. विशेष करून मार्ट, मॉल, हायपर मार्केटमधून खरेदी करणाऱ्यांना याचा फटका अधिक बसू लागला आहे.

कोट
२५ किलोच्या खालील पॅकिंगच्या आणि ब्रॅण्डेडच्या वस्तूंनाच जीएसटी आकारला जात आहे. शक्यतो सर्वसामान्य व्यक्ती २५ किलोच्या खालीच खरेदी करते. त्यालाच जीएसटी सोसावा लागतो. घाऊक विक्रेत्यांना आणि अधिक खरेदीदारांना नाही; पण सर्वसामान्यांना भुर्दंड अशी स्थिती जीएसटीमुळे बाजारात झाली आहे.
- संदीप वीर - किरकोळ किराणा दुकानदार


गूळ विक्रेत्यांना फटका
कोल्हापूर जिल्हा गूळ उत्पादक म्हणून देशात प्रसिद्ध आहे. गुळाचा सौदा खुल्या पद्धतीने होतो. तो गोदामात साठवून अन्य राज्यात, जिल्ह्यात पाठविला जातो. पाठविताना तो पॅकिंग करून पाठविला जातो. त्यावर जीएसटी आकारला जातो. गुळाचा रवा २० किलोवर निघत नाही. तोच रवा २५ किलोपुढे तयार झाल्यास जीएसटीतून वगळू शकते. मात्र, रव्याचे वजन वाढू शकत नाही. त्यामुळे याचाही फटका गूळ विक्रेते आणि उत्पादकांनाही बसल्याचे सांगण्यात येते.
------------

‘लिगल मेट्रॉलाजी २००९’चा समावेश जीएसटीच्या परिपत्रकात केला आहे. त्यानुसार वस्तू पॅकिंग करून विकायच्या आहेत. पॅकिंगवर वजन, उत्पादन तारीख, घटक यासह अन्य माहिती द्यावयाची आहे. किरणा सुट्टा विकल्यास जीएसटी नाही म्हणून सांगितले जाते. याबाबत केंद्रीय अर्थमंत्री निर्मला सीतारामन यांच्यापर्यंत निवेदने दिली. मात्र, त्यांनी जुमानले नाही.
- संजय शेटे, अध्यक्ष - कोल्हापूर चेंबर ऑफ कॉमर्स ॲण्ड इंडस्ट्रीज

किराणा माल दुकानदाराने ग्राहकांसमोर वजन करून पॅकिंग करून वस्तू दिल्यास त्याला जीएसटी लागत नाही. मात्र, असे करणे शक्य होत नाही. परिणामी, किराणा दुकानदार पाच, दहा किलोचे पॅकिंग करून ठेवतो, असे पॅकिंग करून ठेवलेली वस्तू विक्री केल्यास त्यावर जीएसटी लागू आहे. २५ किलोवरील पॅकिंगला जीएसटी नाही. त्यामुळे ५ टक्के जीएसटीची अट रद्दच झाली पाहिजे.
- बबन महाजन, किराणा माल दुकानदार

Web Title: Todays Latest Marathi News Kop22y95731 Txt Kopcity Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..