रंकाळा मासे कासव मेले | Sakal
sakal

बोलून बातमी शोधा

रंकाळा मासे कासव मेले
रंकाळा मासे कासव मेले

रंकाळा मासे कासव मेले

sakal_logo
By

51050

रंकाळ्यात कासव, मासे झाले मृत
काठाला कचऱ्याचा ढीग; सांडपाणी तलावात

कोल्हापूर, ता. १८ ः रंकाळ्यातील प्रदूषणाचा फेरा संपत नसून आज संध्यामठजवळ छोटे कासव व काही मासे मेल्याचे स्थानिक नागरिकांच्या निदर्शनास आले. वाऱ्यामुले ते कासव काठावर आले नाही. गेल्या महिन्यातही मोठ्या प्रमाणात मासे मेले होते.
पाऊस सुरू असल्याने नाल्यातील पावसाच्या पाण्यासह सांडपाणीही रंकाळा तलावात सोडले जात होते. गेल्या महिन्यात राजघाटापासून संध्यामठ, तांबट कमान, जलसंपदा विभागाजवळ मोठे मासे मेल्याचे निदर्शनास आले होते. त्यावेळी महापालिकेच्या अधिकाऱ्यांनी पाहणी केल्यानंतर मासेमारी करणाऱ्यांच्या जाळ्यात अडकून मेलेले ते मासे होते असे सांगण्यात आले. त्यानंतर शाम सोसायटीचा तसेच देशमुख हॉलजवळील नाला अडवण्यात आला. गेल्या आठवड्यात झालेल्या पावसामुळे पुन्हा नाल्यातील पाणी सोडण्यात आले. आज सकाळी शिवाजी पेठेतील नागरिकांना संध्यामठपासून तांबट कमानीपर्यंत रंकाळ्यात मेलेले मासे दिसून आले. काठाजवळ अगदी मोजके मासे असले तरी आत त्याची संख्या जास्त होती, असे प्रत्यक्ष पाहणाऱ्यांनी सांगितले. या माशांबरोबरच मेलेले एक छोटे कासवही तरंगत होते. स्थानिकांनी काठ्यांच्या मदतीने कासवाला बाहेर काढण्याचा प्रयत्न केला; पण त्यांना यश आले नाही. वाऱ्यामुळे लाटा निर्माण होत असल्याने मेलेले मासे व कासव काठावर आले नाहीत.
रंकाळ्यात संध्यामठजवळ प्रचंड कचरा जमा झाला आहे. त्यात प्लास्टिकच्या पिशव्या, दुधाच्या पिशव्या, नारळ तसेच इतरही कचरा आहे. गणेशोत्सवानंतर महापालिकेने इराणी खाणीची स्वच्छता करण्यात आली. कालच ऐतिहासिक स्थळांची स्वच्छता मोहीम राबवण्यात आली. रस्त्यांवरीलही कचरा उठाव करण्यात आला. मात्र, रंकाळ्यातील कचरा काढलेला नाही.

Web Title: Todays Latest Marathi News Kop22y97453 Txt Kopcity Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..