आजरा ः एक जण ठार

84701
...

मोटारसायकल ओढ्यात
कोसळून एक जण ठार

आजरा - चंदगड रस्त्यावर दुर्घटना

आजरा, ता. २२ ः मोटारसायकल ओढ्यात कोसळून भावेवाडी (ता. आजरा) येथील शामराव कृष्णा गुडूळकर (वय ५२, रा. जेऊर, ता. आजरा) हे जागीच ठार झाले. म्हाळुंगे (ता. चंदगड) येथील नातेवाईकांकडे ते यात्रेसाठी जात होते. आज दुपारी आजरा - चंदगड रस्त्यावर साडेतीन वाजता ही घटना घडली. आजरा पोलिसात नामदेव गुडुळकर यांनी वर्दी दिली आहे.
गुडूळकर हे जेऊर येथून मोटारसायकल क्रमांक (एमएच ०४ एक्यू १९७८) ने म्हाळुंगे (ता. चंदगड)कडे यात्रेसाठी निघाले होते. भावेवाडी येथील तीव्र उतारावर त्यांचा मोटारसायकलवरील ताबा सुटला. मोटारसायकलसह ते पंधरा ते वीस फूट खोल ओढ्यात कोसळले. यामध्ये त्यांच्या डोक्याला गंभीर दुखापत झाल्याने त्यांचा जागीच मृत्यू झाला. श्री. गुडूळकर हे मुंबई येथे व्यवसायानिमित्त स्थायिक झाले आहेत. ते गावी घर बांधण्यासाठी आले होते. गेले वर्षभर ते गावीच होते. त्यांच्या दुर्दैवी मृत्यूने गावात हळहळ व्यक्त होत आहे. त्यांच्या मागे पत्नी, दोन विवाहीत मुली, मुलगा, जावई असा परिवार आहे.