विशाळगड रक्षणसमिती

गडसंवर्धनविषयक मुंबईत उद्या महामोर्चा
कोल्हापूर , ता. १ ःगडदुर्गांचे जतन, संवर्धन, रक्षण करण्यासाठी अतिक्रमण रोखावे यासह विविध मागण्यांसाठी गडदुर्ग महामंडळ स्थापन करावे या मागणीसाठी शुक्रवारी (ता.३) गडदुर्ग रक्षण महामोर्चा निघणार आहे. मुंबईतील मेट्रो सिनेमा येथून दुपारी बारा वाजता सुरू होऊन आझाद मैदानावर जाईल. राज्यभरातील गडदुर्ग प्रेमी संघटना यात सहभागी होतील, अशी माहिती विशाळगड संरक्षण व अतिक्रमणविरोधी कृती समितीचे किशोर घाटगे, मधुकर नाझरे यांनी पत्रकार परिषदेत दिली.
३५ गडकोटांवर अतिक्रमणे झाली आहेत. अतिक्रमणे हटवून गडांचे संवर्धन करावे त्यासाठी गड, दुर्ग महामंडळ स्थापन करावे, अशा मागणीसाठी मोर्चा आहे. किल्ले रायगड, विशाळगड, प्रतापगड, कुलाबा, लोहगड, वंदनगड आदी ठिकाणी अतिक्रमणे झाली. काही किल्ल्‍यातील मंदिरे, समाधी जीर्णावस्थेत आहेत. स्थळांचे सुशोभीकरण व्हावे छत्रपती शिवाजी महाराजांचे मावळ्यांचे २५ हून अधिक वंशज, संप्रादाय, हिंदूत्ववादी संघटना, धर्मप्रेमी उपस्थित राहतील. महामोर्चा जागृतीसाठी बैठका, व्याख्याने, संपर्क दौरे सुरू आहेत, असेही घाटगे यांनी सांगितले. यावेळी किरण दुसे, शिवानंद स्वामी, प्रमोद सावंत उपस्थित होते.