शिवाजी विद्यापीठ कर्मचारी पतसंस्थेसाठी आज मतदान

शिवाजी विद्यापीठ कर्मचारी
पतसंस्थेसाठी आज मतदान

कोल्हापूर : शिवाजी विद्यापीठ कर्मचारी सहकारी पतसंस्थेची सन २०२३-२०२८ या कालावधीतील पंचवार्षिक निवडणुकीसाठी उद्या, शनिवारी (ता. ४) मतदान होणार आहे. या पतसंस्थेतील संचालकांच्या १५ जागांसाठी मतदान होणार असून त्यासाठी ३६ उमेदवार आहेत. एकूण ४३२ सभासद असलेल्या या पतसंस्थेच्या १५ संचालकांसाठी निवडणूक होत आहे. त्यात सर्वसाधारण गटात १०, एसटी-एससी आणि व्हीजेएनटी, ओबीसी प्रत्येकी १ तर महिला प्रतिनिधी दोन जागा आहेत. त्यासाठीच्या निवडणुकीच्या रिंगणात एकूण ३६ उमेदवार उतरले आहेत. ते सर्वजण अपक्ष लढत आहेत. विद्यापीठातील गणित अधिविभागात शनिवारी सकाळी ८ ते दुपारी ४ यावेळेत मतदान होईल. त्यानंतर मतमोजणीची प्रक्रिया होणार आहे. दरम्यान, गेल्या वीस दिवसांपासून या ३६ उमेदवारांचा प्रचार सुरू आहे. त्यामुळे विद्यापीठ कॅम्पस निवडणूकमय झाला आहे.