गोकुळ

गोकुळ

गोकुळ २० लाख लिटरचा टप्पा पूर्ण करेल
अध्यक्ष विश्‍वास पाटील; गोकुळचा ६० वा वर्धापन दिन
कोल्‍हापूर, ता. १६ : गोकुळ वीस लाख लिटर दूध संकलनाचा टप्पा पूर्ण करेल, अशी अपेक्षा गोकुळचे अध्यक्ष विश्‍वास पाटील यांनी आज व्यक्त केली. जिल्हा सहकारी दूध उत्पादक (गोकुळ) संघाच्या ६० व्या वर्धापन दिनानिमित्त गुणवंत कामगार, दूध विक्रेते, उत्कृष्ट दूध उत्पादकांना गौरवण्यात आले. तर, गोकुळचे गोकुळ मिल्क नावाने युट्यूब चॅनेल सुरू केले आहे. गोकुळ शिरगावमधील प्रधान कार्यालयात कार्यक्रम झाला. अध्यक्षस्थानी अध्यक्ष विश्‍वास पाटील होते.
विश्‍वास पाटील म्हणाले, ‘गोकुळची स्‍थापना १६ मार्च १९६३ ला झाली. यावेळी, ७०० लिटर दूध संकलन होते. आज प्रतिदिनी सरासरी १४ लाख लिटर दूधसंकलन होते. दूध उत्‍पादक, संस्‍था, कर्मचाऱ्यांमुळे २० लाख लिटरचे उद्दिष्ट साध्‍य करेल.’ सकाळी संचालक अजित नरके यांच्याहस्ते सत्यनारायण पूजा झाली. त्यानंतर, २०२२ -२३ मधील गोकुळश्री स्पर्धेतील म्हैस दूध उत्पादनामध्ये अर्चना खांडेकर, (लिंगनूर, ता. गडहिंग्लज), गीता पाटील (पिंपळगाव, ता. कागल) व किरण सावंत (दुंडगे, ता. गडहिंग्लज). गाय दूध उत्पादनामध्ये शांताराम साठे (सरवडे, ता. राधानगरी), सविता पाटील (अत्याळ, ता. गडहिंग्लज) व शारदा पाटील (वडकशिवाले, ता. करवीर). गुणवंत कामगार म्हणून तानाजी नलगे (कोल्हापूर), अरविंद पाटील (शिरोली दुमाला, ता. करवीर), संजय पाटील (देसाईवाडी, ता. भुदरगड). उत्कृष्ट दूध विक्रेते म्हणून यशवंत संघ, अर्चना कुलकर्णी व प्रवीण गोळे यांना अनुक्रमे प्रथम, द्वितीय व तृतीय क्रमांक देऊन गैारविले.
दरम्यान, प्रा. मधुकर पाटील यांचे ‘गोकुळ : सहकारातून समृद्धीकडे’ विषयावर व्याख्यान झाले. लोक सोशल मीडियाचा वापर दैनंदिन व्यवहारात वेगवेगळ्या उत्पादनांची माहिती घेण्यासाठी करतात. व्यवसायवृद्धीसाठी ‘गोकुळ मिल्क ऑफिशयल’ नावाने यूटयूब चॅनेल सुरु केले आहे. यावेळी, ठ संचालक अरुण डोंगळे, संचालक अजित नरके, नविद मुश्रीफ, बाबासाहेब चौगले, सुजित मिणचेकर, अमरसिंह पाटील, संचालिका श्रीमती अंजना रेडेकर, बोर्ड सेक्रेटरी प्रदीप पाटील, डेअरी व्यवस्थापक अनिल चौधरी, आस्थापना व्यवस्थापक डी. के. पाटील, वित्त व्यवस्थापक हिमांशू कापडिया, मार्केटींग व्यवस्थापक हणमंत पाटील उपस्थित होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com