वायसीएम

वायसीएम

91591
कोल्हापूर ः मुक्त विद्यापीठाच्या विभागीय केंद्राच्या संवाद बैठकीत बोलताना प्राचार्य डॉ. बाळासाहेब लाडगावकर. शेजारी प्राचार्य डॉ. राजेंद्र लोखंडे, प्रा. जयवंत दळवी, डॉ. नेताजी पवार, प्रा. डॉ. अरुण पाटील.

विद्यार्थी संख्येचे गुणात्मक वाढीत
रूपांतर करावे ः लाडगावकर

कोल्हापूर, ता. २६ ःयशवंतराव चव्हाण महाराष्ट्र मुक्त विद्यापीठ विद्यार्थी संख्येबाबत महाराष्ट्रातील इतर विद्यापीठांपेक्षा वरच्या स्थानावर आहे. परंतु, एकविसावे शतक हे ज्ञानयुग म्हणून ओळखले जाते. बदलती शिक्षण पद्धती आणि शिक्षणापुढील आव्हाने याचा विचार करता वाढत्या विद्यार्थी संख्येचे गुणात्मक वाढीत रूपांतर करण्यासाठी प्रयत्न करावेत, असे आवाहन विभागीय संचालक प्राचार्य डॉ. बाळासाहेब लाडगावकर यांनी केले. मुक्त विद्यापीठाच्या विभागीय केंद्रातर्फे महावीर महाविद्यालयात आयोजित केलेल्या केंद्रप्रमुख, केंद्र संयोजक व तांत्रिक सहायक यांच्या संवाद बैठकीत ते बोलत होते. प्राचार्य डॉ. राजेंद्र लोखंडे प्रमुख उपस्थित होते.
प्राचार्य डॉ. लोखंडे म्हणाले, ‘‘शिक्षणापासून वंचित राहिलेल्या घटकांना शिक्षणाच्या मुख्य प्रवाहात आणण्याचे काम यशवंतराव चव्हाण महाराष्ट्र मुक्त विद्यापीठाने केले आहे. ३४ वर्षांपासून मुक्त विद्यापीठाने ही विश्वासार्हता जपली आहे.’’
विभागीय केंद्राच्या सल्लागार समितीचे सदस्य डॉ. नेताजी पवार, प्रा. डॉ. अरुण पाटील यांनी मनोगत व्यक्त केले. विभागीय केंद्राचे वरिष्ठ सहायक संजय काटे, सहायक विजयसिंह रजपूत तसेच ४६ अभ्यास केंद्रावरील प्रतिनिधी उपस्थित होते. स्वागत व प्रास्ताविक केंद्र संयोजक प्रा. जयवंत दळवी यांनी केले. पाहुण्यांचा परिचय केंद्र सहायक बसवराज वस्त्रद यांनी करून दिला. सूत्रसंचालन प्रा. विश्वास पाटील यांनी केले. आभार विजयकुमार मुत्नाळे यांनी मानले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com